ఆసీస్ తో వన్డే సిరీస్: బుమ్రా ఔట్, సిరాజ్ ఇన్

0
90

సిడ్నీ: ఆస్ట్రేలియాతో జరిగే వన్డే సిరీస్ నుంచి బిసిసిఐ సెలెక్టర్లు భారత ఫాస్ట్ బౌలర్ జస్ప్రీత్ బుమ్రాను తప్పించారు. ఆయనకు ఆస్ట్రేలియా వన్డే సిరీస్ నుంచే కాకుండా న్యూజిలాండ్ పర్యటనను నుంచి కూడా విశ్రాంతి కల్పించారు.

బుమ్రా స్థానంలో మొహమ్మద్ సిరాజ్ జట్టులోకి వస్తున్నాడు. ఆస్ట్రేలియాతో జరిగిన నాలుగు టెస్టు మ్యాచుల సరీస్ లో బుమ్రా అదరగొట్టిన విషయం తెలిసిందే. ఆస్ట్రేలియా ఆఫ్ స్పిన్నర్ నాథన్ లియోన్ సరసన నిలిచాడు.

స్వదేశీ గడ్డపై ఆస్ట్రేలియాతో జరిగే సిరీస్ ను దృష్టిలో ఉంచుకుని బుమ్రాపై వర్క్ లోడ్ ను తగ్గించాలని నిర్ణయించి తగిన విశ్రాంతి కల్పించాలని నిర్ణయించినట్లు బిసిసిఐ ఓ ప్రకటనలో తెలిపింది.

న్యూజిలాండ్ తో జరిగే మూడు మ్యాచుల ట్వంటీ20 సిరీస్ భారత జట్టులో పంజాబ్ పేసర్ సిద్ధార్థ్ కౌల్ కు చోటు దక్కింది. బుమ్రాపై పెరుగుతున్న వర్క్ లోడ్ ను తగ్గించాలని కెప్టెన్ విరాట్ కోహ్లీ కూడా అభిప్రాయపడినట్లు చెబుతున్నారు.

ఆస్ట్రేలియాతో మూడు వన్డేల సిరీస్ శనివారంనాడు ప్రారంభమవుతుంది. ఆ తర్వాత ఐదు వన్డేలు, మూడు టీ20 మ్యాచులు ఆడడానికి న్యూజిలాండ్ వెళ్తుంది. న్యూజిలాండ్ పర్యటన జనవరి 23వ తేదీ నుంచి ప్రారంభమవుతుంది.

LEAVE A REPLY

Please enter your comment!
Please enter your name here